प्रतिनिधी- DNA मराठी टीम
पुणे – मनसेचे (MNS) अध्यक्ष राज ठाकरे (Raj Thackeray)यांनी गुरुवारी मोठा निर्णय घेत पुणेशहर अध्यक्ष पदावरून नगरसेवक वसंत मोरे (Vasant More) यांची उचलबांगडी केली आहे. राज ठाकरे यांच्या भूमिकेविरोधात भूमिका घेतल्याने ही कारवाई करण्यात आली आहे. आता त्यांच्याजागी साईनाथ बाबर यांची पुणे शहराध्यक्षपदी नियुक्ती करण्यात आली आहे.
Related Posts
राज ठाकरे यांनी घेतलेल्या या निर्णयानंतर आता वसंत मोरे मनसेमध्येच राहणार का पक्ष बदलणार हे पाहावे लागेल. यातच आता थेट मुख्यमंत्री उद्धव ठाकरे (CM Uddhav Thackeray) यांनी वसंत मोरे यांची चौकशी केल्याची माहिती समोर येत आहे.त्यामुळे पुन्हा एकदा अनेक चर्चंना उधाण आले आहे. यापूर्वी देखील राष्ट्रवादीकडून (NCP) त्यांना खुली ऑफर देण्यात आली होती.
मुख्यमंत्री उद्धव ठाकरे यांनी वसंत मोरे यांना फोन करून आपण शिवसेनेत येण्याबाबत विचार करावा असं म्हंटल आहे. त्यामुळे पुण्यातील राजकारण ढवळून निघालं आहे. यावर अद्याप वसंत मोरे यांनी कोणतीही भूमिका घेतली नसून ते भविष्यात शिवसेनेत जाणार का ? अशा चर्चा आता रंगल्या आहेत.
‘माझी हकालपट्टी झालेली नाही. शेवटी पक्षात खांदेपालट होत असतात. माझ्यावरील कारवाईआधी मीच राज ठाकरेंना सांगितलं होतं की, मे नंतर मला शहराध्यक्षपदावर राहायचं नाही, असा गौप्यस्फोटही त्यांनी केला. सरतेशेवटी पक्षाने निर्णय घेतला आहे. मी राजसाहेबांचा आदेश मानणारा कार्यकर्ता आहे. राजसाहेबांनी घेतलेला निर्णय मान्य आहे. त्यांच्यासोबत गेली २७ वर्ष मी काम करतोय. साहेब माझ्या हृदयात असतील. सध्यातरी मनसे सोडण्याचा माझा विचार नाही’ असं वसंत मोरे यांनी कालच स्पष्ट केलं आहे.
‘माझी हकालपट्टी झालेली नाही. शेवटी पक्षात खांदेपालट होत असतात. माझ्यावरील कारवाईआधी मीच राज ठाकरेंना सांगितलं होतं की, मे नंतर मला शहराध्यक्षपदावर राहायचं नाही, असा गौप्यस्फोटही त्यांनी केला. सरतेशेवटी पक्षाने निर्णय घेतला आहे. मी राजसाहेबांचा आदेश मानणारा कार्यकर्ता आहे. राजसाहेबांनी घेतलेला निर्णय मान्य आहे. त्यांच्यासोबत गेली २७ वर्ष मी काम करतोय. साहेब माझ्या हृदयात असतील. सध्यातरी मनसे सोडण्याचा माझा विचार नाही’ असं वसंत मोरे यांनी कालच स्पष्ट केलं आहे.
