गोवा – गोव्यात (Goa) एका घरातून चोरी (Theft) झाल्याची घटना समोर आली आहे. येथे चोरट्याने 20 लाखांहून अधिक किमतीचा माल चोरून नेला. विशेष म्हणजे घरावर ‘I love you’ लिहून चोरट्यांनी पलायन केले. हे प्रकरण दक्षिण गोव्यातील मडगाव येथील असल्याचे पोलिसांनी सांगितले. या प्रकरणाची चौकशी करण्यात येत आहे. या घटनेनंतर परिसरात एकच खळबळ उडाली असून अनेक चर्चांना उधाण आले आहे.
पोलिसांनी दिलेल्या माहितीनुसार, घरमालक असीब हे दोन दिवसांच्या सुट्टीवर कुठेतरी बाहेर गेले होते. मंगळवारी ते परत आले असता त्यांच्या घराची तोडफोड झाल्याचे आढळून आले. त्यानंतर त्यांनी सामानाची तपासणी केली असता सुमारे 20 लाखांचे सोन्या-चांदीचे दागिने व दीड लाखांची रोकड घरात नसल्याचे आढळून आले. त्यानंतर त्यांनी पोलिसांत तक्रार दाखल केली.
Related Posts
घरमालकाने तक्रारीत म्हटले आहे की, चोरट्यांनी त्यांच्या घरातील टीव्ही स्क्रीनवर मार्कर लावून ‘आय लव्ह यू’ असे लिहिले होते. याप्रकरणी गुन्हा दाखल करण्यात आला असून चोरट्यांचा शोध सुरू असल्याचे पोलिसांनी सांगितले.
