प्रतिनिधी DNA मराठी टीम
पुणे – मागच्या काही दिवसांपासून पुणे शहरासह (Pune City) संपूर्ण जिल्हयात महिलांविरोधात होणाऱ्या गुन्ह्यांमध्ये वाढ होत आहे. पुणे शहरात कधी अल्पवयीन मुलीवर अत्याचाराची घटना समोर येते तर कधी विवाहित महिलांवर अत्याचाराची घटना समोर येते. पुन्हा एकदा पुणे शहरात २७ वर्षीय शिक्षिकेचा तिच्या सोबत काम करणार्‍या शिक्षकाकडून विनयभंग झाल्याची घटना घडली आहे. या घटनेमुळे परिसरात एकच खळबळ उडाली आहे. आरोपी विकास पवार विरोधात भारती विद्यापीठ पोलीस स्टेशनमध्ये गुन्हा दाखल करण्यात आला आहे.
Related Posts
पोलिसांनी दिलेल्या माहितीनुसार, पीडित शिक्षिकेकडे १२ वीचे पेपर तपासण्यासाठी होते. त्यावेळी त्यांना काही अडचणी आल्यास, त्या आरोपी विकास पवार यांना फोन करीत असत, त्यातून त्यांची चांगली मैत्री झाली. त्याच दरम्यान आता शेवटचा पेपर तपासून झाला असल्याने, काल सोमवारी दुपारी अडीच वाजण्याच्या सुमारास आरोपी विकास पवार पीडित महिलेला म्हणाला की,आपण लस्सी पिण्यास जाऊ,त्यावर त्यांनी होकार दिला.
कात्रज येथील एका ठिकाणी लस्सी पिण्यास गेले होते, तेव्हा आरोपी विकास पवार याने पीडित महिलेचा हात पकडल्याची घटना घडली. या प्रकरणी पीडित महिलेने दिलेल्या तक्रारीनुसार विकास पवारच्या विरोधात विनयभंगाचा गुन्हा दाखल करण्यात आला आहे.
