नाशिक – राज्यात मागच्या काही महिन्यांपासून महिलांवर होणाऱ्या अत्याचारामध्ये वाढ झाली आहे. पुणेसह बहुतेक जिल्ह्यात महिलांसह अल्पवयीन मुलींवर अत्याचाराच्या घटनेमध्ये वाढ होत आहे. पुन्हा एकदा अशीच एक धक्कादायक घटना नाशिक जिल्हात घडली आहे. प्रेयसीच्या अल्पवयीन मुलीवर प्रियकराने अनैसर्गिक अत्याचार केल्याचा धक्कादायक प्रकार मुंबईनाका परिसरात उघडकीस आला आहे. या प्रकरणात पोलिसांनी गुन्हा दाखल करून पुढील तपास सुरू केला आहे. शिवाजी साळवे (मुळ रा. परभणी) असे या संशयिताचे नाव आहे.
Related Posts
पोलिसांनी दिलेली माहिती आणि पीडित मुलीच्या आईने दिलेल्या तक्रारीनुसार, तक्रारदार महिलेला पहिल्या पतीपासून एक मुलगा व एक मुलगी आहे. दीड वर्षापासून संशयित साळवे सोबत तिचे प्रेमसंबंध आहे. दोघे एकत्र राहत असताना त्याची नजर मुलीवर होती. संशयित महिला कामावर गेल्यानंतर पीडित मुलीसाेबत अनैसर्गिक कृत्य करत होता.
याचे चित्रीकरण मोबाइलमध्ये केले होते. दमदाटी करत संशयिताने मुलीच्या लहान भावालाही असे कृत्य करण्यास भाग पाडत त्याचे चित्रीकरण मोबाइलमध्ये केले. मुलीला त्रास झाल्यानंतर हा प्रकार आईच्या लक्षात आल्याने तिने पोलिसांत तक्रार दिली. पथकाने संशयिताचा माग काढत त्याला अटक करत न्यायालयात हजर केले असता न्यायालयाने ३ दिवस पोलिस कोठडीत ठेवण्याचे आदेश दिले.
