मुंबई – मुंबईतील (Mumbai) वांद्रे-कुर्ला कॉम्प्लेक्स (BKC) मैदानावर आज शिवसेनाकडून (Shiv Sena) भव्य रॅलीचा आयोजन करण्यात आले आहे. या रॅलीमध्ये राज्याचे मुख्यमंत्री उद्धव ठाकरे (Uddhav Thackeray) काय म्हणणार याकडे सर्वांचे लक्ष लागून आहे.
मागच्या काही दिवसांपासून हनुमान चालीसा तसेच मशिदींवरील भोंग्यावरुन राजकारण चांगलंच तापलंय या सर्व मुद्यांवर उद्धव ठाकरे उत्तर देतील असा अंदाज वर्तवला जात आहे. 2019 च्या निवडणुकीनंतर मुख्यमंत्री उद्धव ठाकरे पहिल्यांदाच एवढी मोठी जाहीर सभा घेणार आहेत. उद्धव ठाकरेंच्या बीकेसी रॅलीच्या पार्श्वभूमीवर बीकेसीकडे जाणारे अनेक रस्ते सर्वसामान्यांच्या वाहतुकीसाठी बंद करण्यात आले आहेत.
पोलिसांनी दिलेल्या माहितीनुसार, या रॅलीत महाराष्ट्रभरातून लाखोंचा जनसमुदाय जमणार आहे. त्यामुळे वाहतूक व्यवस्थापन लक्षात घेऊन हे पाऊल उचलण्यात आले आहे.
माध्यमांशी संवाद साधताना शिवसेना नेते संजय राऊत म्हणाले की, आज दोन ते अडीच वर्षांनी मुंबईत असा मेळावा होणार आहे, त्यात लाखोंचा जनसमुदाय येणार आहे. उद्धव ठाकरेंचे भाषण ऐकणार. उद्धव ठाकरे कोणती दिशा, कोणती भूमिका घेणार, हे साऱ्या देशाला जाणून घ्यायचे आहे. ही एक ऐतिहासिक आणि क्रांतिकारी रॅली असेल. याशिवाय संजय राऊत यांनी उद्धव ठाकरेंसोबतचा एक फोटो शेअर करताना ट्विट केले आहे की, मला पुन्हा मैदानात यावे लागेल असे वाटते: काही लोक विसरले आहेत.. आमची शैली. जय महाराष्ट्र. आज क्रांती दिन आहे.
