पुणे  –   राष्ट्रवादी काँग्रेस पक्षाचे (NCP) अध्यक्ष शरद पवार (Sharad Pawar) यांनी पाकिस्तानी (Pakistan) जनतेचे कौतुक केले आहे. पाकिस्तानातील सामान्य जनतेला शांततेत राहायचे आहे, असे शरद पवार यांनी म्हटले आहे. द्वेष पसरवणारे मोजकेच लोक आहेत असं देखील ते म्हणाले.

जनतेला महागाईतून दिलासा हवा आहे
मात्र, याआधी राष्ट्रवादी काँग्रेसचे अध्यक्ष शरद पवार यांनी बुधवारी देशातील जनतेला विकास, रोजगार आणि महागाईतून सुटका हवी आहे, मात्र काही लोक जाती-धर्माच्या नावाखाली द्वेष पसरवण्याचा प्रयत्न करत आहेत, असे वक्तव्य केले होते.

कोणताही धर्म द्वेष करायला शिकवत नाही
पुण्याजवळील पिंपरी-चिंचवड शहरात ईद साजरी करण्यासाठी आयोजित ‘राष्ट्रीय एकता मंडळी’ या कार्यक्रमात बोलताना पवार म्हणाले की, कोणताही धर्म द्वेष शिकवत नाही. काही लोक जाती-धर्माच्या नावाखाली द्वेष पसरवण्याचा प्रयत्न करत आहेत. पण आम्हाला द्वेष नको, भांडण नको, विकास हवा, महागाईपासून सुटका हवी आणि आमच्या नव्या पिढीला नोकऱ्या हव्या आहेत. आपल्याला अशी परिस्थिती निर्माण करायची आहे की ज्यामध्ये आपले राज्य आणि देश प्रत्येक क्षेत्रात प्रगती करू शकेल.

पवारांनी ऐक्य राखण्याचे आवाहन केले
राष्ट्रवादीचे अध्यक्ष म्हणाले, मात्र ईद संपली आहे. ईदच्या सणाचा सदुपयोग करून एकता राखणे हे आपले कर्तव्य आहे. ईदच्या या कार्यक्रमात विविध धर्माचे नेते सहभागी झाले होते.