सलमान खान पुन्हा चर्चेत; ‘त्या’ प्रकरणात कोर्टात हजर राहण्याचे आदेश

0 202
Mumbai Police in action mode in Salman Khan case; Took a big decision
 मुंबई –  बॉलीवूडचा (Bollywood) दबंग सलमान खानला (Salman Khan) नुकताच काळवीट शिकार प्रकरणी मोठा दिलासा मिळाला होता. मात्र आता पुन्हा एकदा सलमान चर्चेत आला आहे. तीन वर्षांपूर्वी झालेल्या एका प्रकरणात सलमानला अंधेरी महानगर दंडाधिकारी न्यायालयानं समन्स बजावला आहे. तसेच कोर्टात हजर राहण्याचे आदेश देखील दिले आहे. त्यामुळे पुन्हा एकदा त्याच्या अडचणीत वाढ होण्याची शक्यता आहे. पत्रकार अशोक पांडे  (Ashok Pandey) यांनी याबाबत तक्रार दाखल केली होती.(Salman Khan in discussion again; Order to appear in court in ‘that’ case)
येत्या ५ एप्रिलपर्यंत सलमानला अंधेरी कोर्टात हजर राहणायचे आदेश देण्यात आले आहे. न्यायालयाने दिलेल्या आदेशानुसार, सलमानसह त्याचा अंगरक्षक नवाज इक्बाल शेख यांना आयसीपीच्या कलम ५०४ आणि ५०६ अंतर्गत न्यायालयात हजर राहण्याचे आदेश दिले आहेत. हे संपूर्ण प्रकरण ३ वर्षांपूर्वीचे म्हणजे २४ एप्रिल २०१९ चे आहे.

प्रकरण काय?

Related Posts
1 of 2,397

अशोक पांडे हे सलमान खान मुंबईच्या रस्त्यावर सायकल चालवत असतानाचा व्हिडीओ शूट केला होता. मात्र या व्हिडीओमुळे सलमानच्या अंगरक्षकाने आणि सलमानने असभ्य वर्तन केल्याचा आरोप अशोक पांडे यांनी केला आहे. यावेळी त्यांनी मोबाईलही हिसकावत धमकावल्याचाही आरोप त्याने केला आहे.

पत्रकार अशोक पांडे यांनी आपल्या तक्रारीत म्हटले होते की, ते त्यांच्या कॅमेरामनसोबत जुहूहून कांदिवलीला कारने जात होते. त्यावेळी एका रस्त्यावर त्यांना सलमान खान सायकल चालवताना दिसला. यादरम्यान त्याने सलमानचा व्हिडीओ बनवण्यासाठी त्याच्या दोन अंगरक्षकांची परवानगी मागितली. त्या अंगरक्षकांनीही त्याला परवानगी दिली होती. मात्र जेव्हा मी व्हिडीओ बनवत होतो तेव्हा मात्र सलमानने मला विरोध केला. त्यानंतर त्याच्या अंगरक्षकानेही त्याला मारहाण केल्याचे बोलले जात आहे. सलमान खाननेही या पत्रकाराला मारहाण केली आणि नंतर त्याचा फोन हिसकावून घेतला, असा आरोप त्याने केला आहे. या घटनेनंतर पोलिसांनी सलमानविरुद्ध केलेल्या तक्रारीवर कारवाई न केल्याचा आरोपही त्यांनी केला होता.

याप्रकरणी त्यांनी अंधेरीतील डी एन नगर पोलीस ठाण्यात तक्रार दाखल केली होती. यात अशोक पांडे यांनी सलमान खान आणि त्याचा अंगरक्षक नवाज इक्बाल शेख यांच्यावर शिवीगाळ, धमकी दिल्याचा आरोप केला होता.(Salman Khan in discussion again; Order to appear in court in ‘that’ case)

Leave a comment
error: Content is protected !!
%d bloggers like this: