RBI MPC: ग्राहकांना धक्का! गृहकर्जाचे व्याजदर पुन्हा वाढणार?; जाणुन घ्या संपूर्ण माहिती

0 16

 

RBI MPC: सतत वाढणाऱ्या महागाई दरावर नियंत्रण ठेवण्यासाठी भारतीय रिझर्व्ह बँक (RBI) ने मे महिन्यापासून रेपो दरात चार वेळा वाढ केली आहे. यादरम्यान आरबीआयकडून रेपो दरात 1.90 टक्क्यांनी वाढ करण्यात आली आहे. RBI बँकेचे गव्हर्नर शक्तीकांत दास यांच्या अध्यक्षतेखालील सहा सदस्यीय चलनविषयक धोरण समितीची (MPC) बैठक सोमवारपासून सुरू होणार आहे. 7 डिसेंबर (बुधवार) रोजी पतधोरण जाहीर होणार आहे.

 

एमपीसीची बैठक 5 डिसेंबरपासून सुरू होणार आहे
एमपीसी बैठकीपूर्वी, उद्योग संस्था असोचेमने आरबीआयला मुख्य धोरण दर रेपोमधील वाढ कमी ठेवण्यास सांगितले आहे. उद्योग मंडळाचे म्हणणे आहे की, व्याजदरात मोठी वाढ झाल्यास त्याचा आर्थिक पुनरुज्जीवनावर परिणाम होऊ शकतो. आरबीआय गव्हर्नरच्या अध्यक्षतेखाली सहा सदस्यीय एमपीसी बैठक सोमवारपासून सुरू होणार असून 7 डिसेंबर रोजी पतधोरण जाहीर केले जाईल. असोचेमने आरबीआयला लिहिलेल्या पत्रात म्हटले आहे की, ‘रेपो रेट 0.25 ते 0.35 टक्क्यांपेक्षा जास्त वाढू नये.’

 

Related Posts
1 of 2,427

उद्योग मंडळानेही आरबीआयला अनेक सूचना दिल्या
असोचेमने लिहिलेल्या पत्रात उद्योगासमोरील इतर समस्यांचाही उल्लेख करण्यात आला आहे. उद्योग मंडळाने पत्रात इतर सूचनाही दिल्या आहेत. यामध्ये इलेक्ट्रिक वाहनांच्या खरेदीसाठी सवलतीच्या व्याजदरासह किरकोळ कर्ज प्राधान्य क्षेत्रांतर्गत आणण्याच्या सूचनेचा समावेश आहे. उल्लेखनीय आहे की 30 सप्टेंबर रोजी पतधोरण आढाव्यात RBI ने महागाई नियंत्रणात आणण्यासाठी रेपो दरात 0.50 टक्क्यांनी वाढ केली होती.

 

तिसऱ्यांदा रेपो दरात 0.50 टक्के वाढ
या वर्षी जानेवारीपासून महागाईचा दर सहा टक्क्यांच्या वर राहिला आहे. मध्यवर्ती बँकेच्या समाधानकारक पातळीपेक्षा हे प्रमाण जास्त आहे. आरबीआयने रेपो दरात 0.50 टक्क्यांनी वाढ करण्याची ही सलग तिसरी वेळ आहे. सप्टेंबरपूर्वी रेपो दरात जून आणि ऑगस्टमध्ये 0.50 टक्के आणि मेमध्ये 0.40 टक्के वाढ करण्यात आली होती.

Leave a comment
error: Content is protected !!
%d bloggers like this: