गाजियाबाद – उत्तर प्रदेशमधील (Uttar Pradesh)गाजियाबाद(Ghaziabad)मध्ये अनैतिक संबंधातून (Immoral relationship) एकाची हत्या (Murder) करण्यात आली आहे. या हत्यामुळे परिसरात एकच खळबळ उडाली आहे. पोलिसांनी आरोपींना अटक केली असून पुढील तपास करत आहे. रात्रीच्या वेळी प्रियकर (Boy Friend) त्याच्या विवाहित प्रेयसीला (Girl Friend) भेटण्यासाठी तिच्या घरी गेला होता मात्र अचानक घरात पतीने एन्ट्री केली आणि नको त्या अवस्थेत पत्नी आणि तिच्या प्रियकराला पाहिल्याने तो संतापला आणि त्यानंतर आपल्या भावासोबत मिळून पत्नीच्या प्रियकराची हत्या केली.
या प्रकरणात समोर आलेल्या माहितीनुसार मयत तरुणाचे नाव राहुल असं आहे तो गाजियाबादच्या गांधी कॉलनी मुरादनगरमध्ये राहत होता. १२ एप्रिलच्या रात्री तो तिच्या प्रेयसीला भेटायला तिच्या घरी गेला मात्र त्याचवेळी प्रेयसीचा पती घरात दाखल झाला आणि त्याने पत्नी आणि राहुलला आक्षेपार्ह स्थितीत बघितल्याने तो भडकला त्यानंतर आपला भाऊ विनोदसोबत मिळून त्याने काठ्यांनी राहुलला मारहाण केली. यानंतर पोलिसांनी जखमी स्थितीत राहुलला हॉस्पिटलमध्ये दाखल केलं. उपचारादरम्यान राहुलचा मृत्यू झाला.
Related Posts
घटनेची सूचना मिळताच पोलिसांनी हत्येचे आरोपी महिलेचा पती अरूण आणि त्याचा भाऊ विनोद यांना अटक केली. याप्रकरणी आलोक दुबे यांनी सांगितलं की, गेल्या मंगळवारी रात्री नंदग्राम पोलीस स्टेशनला सूचना मिळाली की, काही लोक एका तरूणाला मारहाण करत आहेत. यानंतर पोलीस तिथे पोहोचले आणि जखमी तरूणाला हॉस्पिटलमध्ये दाखल केलं.
पोलिसांनुसार, हत्येचा आरोपी अरूण ड्रायव्हर आहे. साधारण ४ वर्षाआधी मृत तरूण त्याच्यासोबत हेल्परचं काम करत होता. त्यादरम्यानच मृत राहुलचे आरोपीच्या पत्नीसोबत अनैतिक संबंध प्रस्थापित झाले. तेव्हापासून आरोपी आणि त्याच्या पत्नीत वाद सुरू होता. ती पतीपासून वेगळी राहत होती. पण साधारण ३ वर्षाआधी पती-पत्नीमध्ये वाद मिटला. महिला पतीसोबत राहू लागली होती. पण राहुलसोबत तिचे प्रेमसंबंध सुरूच होते.
