अहमदनगर –   मागच्या काही दिवसांपासून सर्वसामान्य जनतेच्या अडी अडचणीमध्ये पेट्रोल आणि डिझेलच्या (Petrol and diesel)दरांनी आणखी भर टाकली आहे. देशातील बहुतेक शहरात पेट्रोलचे दर 120 पर्यंत पोहोचले आहे. तर डिझेलचे देखील दर शंभरच्यावर गेले आहे. यामुळे अनेक नागरिकांचे बजेट बिघडले आहे.

त्यामुळे सोशल मीडियावर (Social Media) पेट्रोल आणि डिझेलच्या किंमती नियंत्रणात करण्याची मागणी होत असून वेगवेगळ्या फोटो आणि व्हिडिओचा वापर करून सोशल मीडिया यूजर्स विरोध दर्शवत आहे. यातच अहमदनगर शहरात असणाऱ्या नेवासकर पेट्रोल पंपावर (Nevaskar Petrol Pump)लावण्यात आलेल्या एका पाटीची चर्चा देखील सोशल मीडियावर जोराने होत. आता पर्यंत सोशल मीडियावर या पाटीला हजारो लाईक्स आले आहे. पेट्रोलचे दर स्वत:च्या जबाबदारीवर पाहावेत, छातीत कळ आल्यास पंप मालक जबाबदार नाही,’ अशी पाटी पंपावर लिहिण्यात आली आहे.

पेट्रोल पंपावरील कर्मचारी रसिकलाल बोरा यांनी हा बोर्ड लिहिला आहे. मागील अनेक वर्षांपासून ते पंपावर दररोज वेगवेगळे बोर्ड लिहितात. कधी सुविचार तर कधी चारोळी ते लिहितात. यातून पंपावर येणाऱ्या नागरिकांचे मनोरंजन तर होतेच, पण कधी कधी त्यांच्या जीवनाला एखाद्या सुविचाराने कलाटणी मिळते, असं बोरा यांनी म्हटलं आहे.