माजी आमदार दादाभाऊ कळमकर, जी.डी. खानदेशे, मंदाताई निमसे यांना मराठा जिवन गौरव पुरस्कार देऊन गौरविण्यात येणार असुन मनोविकलांग महिलावर उपचार करून त्यांना मानसिक आजारातून बरे करून नंतर त्यांना स्वावलंबी करण्यासाठी आयुष्य झोकुन देणारे शिंगवे नाईक येथील मनगाव प्रकल्पाचे संचालक डॉ. राजेंद्र धामणे व डॉ. सुचिता धामणे या दाम्पत्यांना कर्मतपस्वी पुरस्कार देऊन गौरविण्यात येणार आहे.मराठा सेवा संघाचे संस्थापक अध्यक्ष इंजि. पुरुषोत्तमजी खेडेकर यांच्या हस्ते हे पुरस्कार देण्यात येणार असुन मराठा सेवा संघाचे प्रदेशाध्यक्ष इंजि. विजय घोगरे यांचे अध्यक्षतेखाली हा कार्यक्रम होणार आहे असल्याची माहिती संस्थापक अध्यक्ष इंजि. विजयकुमार ठुबे यांनी दिली.

या कार्यक्रमाला प्रमुख अतिथी म्हणून मराठा सेवा संघाचे राष्ट्रीय अध्यक्ष कामाजी पवार , मराठा सेवा संघ कार्याध्यक्ष प्राध्यापक अर्जुन तनपुरे, मधुकर मेहकरे, हेमंत धुमाळ, राजेंद्र रहाणे, प्रकाश मिसाळ ,संभाजीराव लांगोरे ,शिवाजीराव जगताप दिग्विजय आहेर उपस्थित राहणार आहेत.