पोलिसांच्या आशीर्वादाने श्रीगोंद्यात खुलेआम गुटखा विक्री?

महाराष्ट्र सरकारने तंबाखूजन्य पदार्थ आरोग्यास हानीकारक असतात. यामुळे निर्माण होणाऱ्या आजारांमुळे जीवही जातो. या पार्श्वभूमीवर राज्यात गुटखा, सुगंधी तंबाखूच्या विक्रीस बंदी घालण्यात आली आहे. दुर्देवाने इतर राज्यात गुटखा उत्पादनास बंदी नसल्याने तेथून तस्करी करून हा माल राज्यात येतो. त्यात अनेक ठिकाणी पाकिटांची वाटप करत माल महाराष्ट्रात दाखल होतो दाखल झाल्यावर श्रीगोंद्यात आल्यावर एकतर पोलीस भागीदारी असते नाहीतर धंद्यात वाटाघाटी व्यवथित होत नसल्यामुळे एकमेकांचा माल पकडून दिला जातो त्यातील निम्मा माल पोलीस ठाण्यात तर दुसऱ्या किरकोळ विक्रेत्याला विकला जातो अशी माहिती एका गुटखा विक्रेत्याने नाव न सांगण्याच्या अटीवर दिली आहे.

 मात्र याबाबत श्रीगोंदा पोलीस मात्र काही एक बोलण्यास तयार नाही  गुटख्याची तस्करी परराज्यातून होत असते. विशेषत: गुजरात, मध्य प्रदेश वा राजस्थान,कर्नाटक  अशा वेगवेगळ्या राज्यातून मोठ्या वाहनांमध्ये गुटखा येतो. बऱ्याच प्रकरणांमध्ये हा साठा बंदी नसलेल्या राज्यात येतो विषेशत अहमदनगर सोलापूर मार्गावरून मोठ्या प्रमाणात वाहतूक होते काही अंशी कारवाई झाल्याच्या घटना सर्वश्रुत आहेत तपासाअंती गुटख्याचे स्थानिक कनेक्शनही समोर येते. परराज्यातून येणारे तस्कर हायवेने आणि कमीत कमी तपासणी होईल, अशी रस्त्याने येतात.  परराज्यातील तस्करी सुरू असते. स्थानिक बाजारपेठेत त्याची मागणी असल्याने हा प्रकार घडतो.त्यात श्रीगोंद्यात रक्षकच भक्षक झाल्याने नागरिकांच्या जीवाशी खेळ सुरु आहे त्यामुळे पोलिसांच्या आशीर्वादाने श्रीगोंद्यात गुटखा तस्करी अगदी जोमात सुरु आहे असे म्हणणे काही वावगे ठरणार नाही.