मध्यप्रदेश –  दहावीच्या परीक्षेमध्ये नापास झाल्यास वडील मारहाण करणार असल्याची भीती असल्याने एका १५ वर्षीय अल्पवयीन मुलाने (Minor Boy) आपल्याच वडिलांचा कुऱ्हाडीने वार करून हत्या (murder) केल्याची धक्कादायक घटना मध्यप्रदेशातील (Madhya Pradesh) गुणाच्या जामनेर भागात घडली आहे. शनिवार-रविवारच्या मध्यरात्री झालेल्या या खूनप्रकरणी पोलीस तपासात हा धक्कादायक खुलासा झाल्याने परिसरात एकच खळबळ उडाली आहे.  दुलीचंद्र अहिरवार असं मयत व्यक्तीचे नाव आहे.

या १५ वर्षांच्या मुलाला परीक्षेत नापास झाल्यास वडील मारहाण करतील अशी भीती वाटत होती. वडिलांना मारहाण करू नये म्हणून अल्पवयीन मुलाने वडिलांच्या हत्येचा कट रचला. त्याने वडिलांची कुऱ्हाडीने हत्या केली आणि  पोलिसांची दिशाभूल करण्यासाठी शेजाऱ्याला वडिलांच्या हत्येत अडकवण्याचा कटही अल्पवयीन मुलाने रचला. वडिलांच्या खुनात त्याने वापरलेली कुऱ्हाड त्यात हाताच्या बोटांचे ठसे येऊ नयेत म्हणून या अल्पवयीन मुलाने हाताच्या बोटांचे पोर जाळले.

पोलिसांची दिशाभूल करण्यासाठी अल्पवयीन मुलीने खोडसाळ कथा सांगितली. वडील दुलीचंद्र अहिरवार यांची हत्या केल्यानंतर, अल्पवयीन मुलाने तक्रार नोंदवण्यासाठी पोलिस स्टेशन गाठले जेथे त्याने सांगितले की शनिवार-रविवार मध्यरात्री त्याचे वडील घरातील एका खोलीत एकटेच झोपले होते. दुपारी दीडच्या सुमारास त्यांना वडिलांच्या खोलीतून ओरडण्याचा आवाज आला, त्यावर त्यांनी वडिलांच्या खोलीत जाऊन पाहिले असता वडील रक्ताच्या थारोळ्यात पडलेले दिसले. घराच्या पायऱ्यांवर एक व्यक्ती कुऱ्हाड घेऊन धावत असल्याचे पाहून त्याला पकडण्याचा प्रयत्न केला, मात्र आरोपीने घराच्या छतावरून दोरीच्या साहाय्याने उडी मारून पळ काढला. मुलाच्या तक्रारीवरून पोलिसांनी संशयाच्या आधारे शेजाऱ्याला ताब्यात घेऊन चौकशी सुरू केली.

तपासासाठी दोन पथके तयार केली
शेजाऱ्याला ताब्यात घेतल्यानंतर, एसपींनी तपासासाठी दोन पथके तयार केली ज्यात दोन पोलिस स्टेशनच्या टीआयचा समावेश होता. संशयाच्या आधारे पुढील तपास सुरू करण्यात आला. मृताच्या मुलाच्या घटनेच्या रात्रीची कथा पोलिसांना संशयास्पद वाटल्याने संशयिताच्या चौकशीबरोबरच वरिष्ठ वैज्ञानिक अधिकारी, श्वान पथक, फिंगर प्रिंट तज्ञ यांना पाचारण करून घटनास्थळाची बारकाईने पाहणी करण्यात आली. संशयाच्या आधारे पोलिसांनी मृताच्या कुटुंबीयांची चौकशी सुरू केली. चौकशीदरम्यान पोलिसांना मृताच्या अल्पवयीन मुलावर संशय आल्याने त्याला ताब्यात घेऊन पोलिसांनी त्याची मानसिक चौकशी केली. चौकशीत आरोपीने वडिलांची हत्या केल्याची कबुली दिली.

अभ्यास होत नाही म्हणून वडील शिव्या घालायचे
पोलिस चौकशीत मृताच्या मुलाने सांगितले की, वडील त्याला अभ्यास करत नसल्यामुळे शिवीगाळ करायचे. काही दिवसांपूर्वी त्याच्या वडिलांनी त्याला सांगितले की, जर तू दहावीच्या परीक्षेत नापास झालास तर मी तुला मारहाण करून घरातून हाकलून देईन. त्याने वार्षिक परीक्षेची तयारी केली नव्हती आणि नापास होण्याची भीती होती. वडिलांचा नाल्याच्या मुद्द्यावरून शेजाऱ्यांशी वाद झाला. त्याने वडिलांच्या हत्येचा कट रचला आणि शेजारच्या वीरेंद्र अहिरवारला वडिलांचा मारेकरी म्हणून गोवले.