सोनिया गांधींसोबत काँग्रेसच्या नाराज आमदारांची बैठक; मंत्र्यांविरोधात बंडाचा झेंडा ?

0 237
Meetings begin in Congress: Decision on Prashant Kishor coming soon
प्रतिनिधी DNA मराठी टीम 

दिल्ली –   काँग्रेस (Congress) अध्यक्षा सोनिया गांधी (Sonia Gandhi) यांच्यासबोत राज्यातील २० ते २५ काँग्रेसच्या नाराज आमदारांनी भेट घेतली आहे. या बैठकीमध्ये काँग्रेस आमदारांनी  सोनिया गांधी यांच्यासमोर काँग्रेससह महाविकास आघाडीच्या विविध नेत्यांच्या तक्रारी केल्याची माहिती समोर आली आहे. महाविकास आघाडीच्या माध्यमातून काँग्रेस सत्तेत असूनही पक्षाच्या कार्यकर्त्यांकडे दुर्लक्ष होत असल्याचा आरोप या आमदारांनी सोनिया गांधी यांच्यासोबतच्या बैठकीत केल्याची माहितीसमोर आली आहे.

Related Posts
1 of 2,357
सोनिया गांधी यांच्यासोबत झालेल्या बैठकीत काँग्रेस आमदारांनी पक्षाच्याच मंत्र्यांविरोधात बंडाचा झेंडा फडकावला. महाराष्ट्रात काँग्रेसचे जे मंत्री कार्यक्षम नाहीत, अशा मंत्र्यांची खाती बदलण्यात यावीत, अशी मागणी या आमदारांनी सोनिया गांधी यांच्याकडे केली आहे.  तसंच राज्यात पक्षाला मजबूत करण्यासाठी संघटनात्मक बदलाचीही मागणी या आमदारांकडून करण्यात आली असून या बैठकीत अनेक जिल्ह्यांमध्ये काँग्रेसचे पालकमंत्री पक्षाच्या कार्यकर्त्यांना विश्वासात घेत नसल्याचं या आमदारांनी सोनिया गांधी यांच्या लक्षात आणून दिलं.

राज्यातील काँग्रेस आमदार सोनिया गांधी यांना भेटत असताना काँग्रेसचे प्रदेशाध्यक्ष किंवा विधीमंडळ पक्षाचे गटनेते या बैठकीला उपस्थिती नव्हते. या बड्या नेत्यांना टाळून नाराज आमदारांनी थेट सोनिया गांधी यांना भेटणं पसंत केलं. यावेळी सोनिया गांधी यांनीही आमदारांनी आपलं म्हणणं मांडण्यास पुरेपूर वेळ दिला. त्यामुळे या बैठकीनंतर आता राज्यातील काँग्रेस मंत्र्यांमध्ये काही फेरबदल होतात का, हे पाहणं महत्त्वाचं ठरणार आहे.
काही दिवसांपूर्वी आमदार संग्राम थोपटे यांच्यासह काँग्रेसच्या नाराज आमदारांच्या एका गटाने सोनिया गांधी यांना पत्र लिहीत त्यांच्या भेटीची वेळ मागितली होती.  मंगळवारी रात्री उशिरा या आमदारांना गांधी यांची भेट घेतली.
Leave a comment
error: Content is protected !!
%d bloggers like this: