नगर : साकळाई(Sakalai) उपसाजलसिंचन योजनेची व्याप्ती वाढविण्यात यावी,(Increase the scope of the collection) अशी मागणी द मोर फाउंडेशनचे अध्यक्ष जगन्नाथ भोर यांनी केली आहे.
याबाबत प्रसिध्दीस दिलेल्या निवेदनात म्हटले आहे की, साकळाई (Sakalai) उपसा जलसिंचन योजनेच्या सर्वेक्षणास मान्यता व त्यासाठी लागणाऱ्या तरतुदीस मान्यता दिल्याबद्दल आपले मनःपूर्वक अभिनंदन व आभार .
या योजनेसाठी २.५ TMC पाणी लागणार आहे. कुकडी प्रकल्पातील अच्छादित भागातील देण्यात येणारे ४.९५ TMC पाणी आता साकळाई उपसा जलसिंचन योजनेसाठी वळविण्यात येत आहे. या ४.९५ TMC पाण्यातून आता नमूद योजनेसाठी २.५ TMC पाणी पेक्षा जादा पाण्याची गरज पडली तरीही पुरेसे पाणी उपलब्ध होऊ शकते. या योजनेची व्याप्ती वाढू शकते. यापूर्वी पाण्याच्या अभावी क्षेत्र व गावाची संख्या या योजनेमध्ये मर्यादित म्हणजे २९ गावे ठेवण्यात आली होती. परंतु उपलब्ध पाणी पाहता सदरची व्याप्ती ५१ गावांपर्यंत वाढवता येऊ शकते.
Ahmednagar – अहमदनगरचे ‘शहाशरीफनगर’ करण्याची एम.आय.एम.ची मागणी ‘Shahsharifnagar’ of Ahmednagar
घोड धरणांमधून पाण्याची उचल केल्यानंतर ती साकळाई (Sakalai) जवळील चिखली येथे आणून टाकण्याऐवजी चिखली व घोसपुरीच्या मध्यावर व माथ्यावर ७६० मीटर उंचीवर आणून टाकल्यास २९ गावाऐवजी ५१ गावांना पाणी जाऊ शकते. पूर्वीपेक्षा जास्त व पुरेशा दाबाने पाणी मिळू शकते. यामध्ये मूळ योजनेच्या खर्चामध्ये काही प्रमाणात वाढ होईल. पॅपिंगचा कालावधी वाढू शकतो. परंतु जास्त क्षेत्रास व शेतकऱ्यांना फायदा होईल. या सर्व बाबीचा विचार करून या सर्व ५१ गावाचे सर्वेक्षण होऊन त्याप्रमाणे योजनेची व्याप्ती वाढविण्याबाबत संबंधित यंत्रणेस सूचना द्यावी अशी मागणी भोर यांनी केली आहे.
Shivaji Kardile जिल्हा बँकेचे अध्यक्ष कर्डिले यांच्या हस्ते मुख्यमंत्र्यांचा सत्कार…
साकळाई उपसा सिंचन योजनेची व्याप्ती वाढवल्यानंतर त्यामध्ये येणार्या गावांची सुधारित यादी : कारेगाव, चिखली, उख्खलगाव, रांजणगाव मशीद, अस्तगाव, भोरवाडी, अकोळनेर, जाधववाडी, घोसपुरी, सारोळा, खडकी, हिवरेझरे, वाळकी, शिराढोण, साकत, दहिगाव वाटेफळ, वडगाव (तांदळी ), तांदळी (वडगाव), देऊळगाव (सिध्दी), गुंडेगाव, राळेगण (म्हसोबाचे), मठपिंप्री,हातवळण, बनपिंप्री, रुईखेल, मांडवगण, खांडगाव, पिसोरे, भानगाव, वडघुले, ढोरजे, कोतूळ, कोळगाव, पांढरेवाडी, विठेकरवाडी, भापकरवाडी, लगडवाडी, सुरेगाव, घोटवी.
