प्रतिनिधी- DNA मराठी टीम
मुंबई – अहमदनगर जिल्ह्याचे माजी पोलीस अधीक्षक सौरभ त्रिपाठी (Saurabh Tripathi) यांच्या अडचणीत आणखी वाढ झाली आहे. मुंबईमधील अंगडिया व्यापाऱ्यांकडून झालेल्या कथित वसुली प्रकरणात सौरभ त्रिपाठी यांच्या निलंबिनाचे आदेश गृह विभागाने दिले आहे. त्रिपाठी यांच्या निलंबनाचा प्रस्ताव मुख्यमंत्री उद्धव ठाकरे (Chief Minister Uddhav Thackeray) यांच्याकडे पाठवण्यात आला होत्या या प्रस्तावावर मुख्यमंत्री उद्धव ठाकरे यांनी स्वाक्षरी केली आहे.
Related Posts
या संपूर्ण प्रकरणाची माहिती मुंबई पोलिसांनी गृहमंत्रालयाला देत या प्रकरणात त्रिपाठी यांच्या विरोधात भक्कम पुरावे सापडले असून त्यांच्यावर विभागीय कारवाई करावी अशी मागणी केली होती. तसेच या प्रकरणात त्रिपाठी यांनी तक्रारदाराला फोन करून तक्रार मागे घेण्यास सांगितल्याचा आरोपही त्रिपाठी यांच्यावर होत आहे.
मुंबई पोलिसात कार्यरत आयपीएस अधिकारी सौरभ त्रिपाठी यांच्यावर खंडणीचा आरोप झाल्यानंतर त्यांच्यावर अटकेची टांगती तलवार लटकू लागली होती. त्यानंतर त्यांनी अटकेपासून बचाव करण्यासाठी सेशन कोर्टात (Sessions Court) धाव घेतली होती. सूत्रांनी दिलेल्या माहितीनुसार, त्रिपाठी यांनी आपल्या अटकपूर्व जामीन अर्जात असे म्हंटले होते की यापूर्वीच्या एफआयआरमध्ये त्यांच नाव नव्हते आणि पोलिस ठाण्याच्या पातळीवर अंगडियाकडून पैसे वसूल केले जात होते याची त्यांना माहिती नव्हती. त्रिपाठी यांच्या याचिकेवर आता 23 तारखेला कोर्टात सुनावणी होणार असून त्यानंतर त्रिपाठी यांना अटकेपासून दिलासा द्यायचा की नाही, याचा निर्णय कोर्ट घेऊ शकतं.
