श्रीगोंदयात पोलीस ठाण्याच्या हाकेच्या अंतरावर चोरी ,पोलीस घेत आहेत झोपेचे सोंग

0 92
Inquiry order of Director General of Police in Gutkha case

प्रतिनिधी DNA मराठी टीम 

श्रीगोंदा  – श्रीगोंदा शहरातील पोलिस ठाण्यापासून हाकेच्या अंतरावर असलेल्या पंतनगर परिसरातील ॲड.सुरेंद्र सोनाजी काळोखे हे घरी नसताना त्यांच्या बंद घराचे कुलूप अज्ञात चोरट्याने तोडून घरात उचकापाचक करून घरातील सोन्या चांदीच्या दागिन्यांसह ७० हजाराची चोरी केली. या प्रकरणी श्रीगोंदा पोलिस ठाण्यात गुन्हा दाखल करण्यात आला असून पुढील तपास श्रीगोंदा पोलिस करत आहेत

  या बाबत सविस्तर असे की श्रीगोंदा शहरात पोलिस ठाण्या पासून हाकेच्या अंतरावर असलेल्या पंत नगर परिसरात राहणारे ॲड.सुरेंद्र सोनाजी काळोखे हे २७ मार्च रोजी मुलाच्या शिक्षणाकामी धुळे व यवतमाळ येथे गेले असताना दि.२८ रोजी संध्याकाळी ७ वाजण्याच्या सुमारास काळोखे यांच्या साडूची मुलगी तेजस्वीनी हिने फोन करून सांगितले की घराचे कुलुप तुटलेले असुन घरातील सामानाची उचका पाचक झालेली दिसत आहे .
तुम्ही लवकर या असा निरोप दिल्या नंतर ॲड.काळोखे यांनी घरी येऊन पाहणी केली असता घरातील ड्रेसिंग टेबल , कपाट , दिवानाचे सामानाची उचकापाचक झालेली दिसली त्यांनी खात्री केली असता घरातील ड्रेसींग टेबलमध्ये ठेवलेले ६० हजार रुपये किमतीचे सोन्याचे गंठण, ५ हजार रुपये किमतीचे दोन चांदीचे पट्यांचे पैंजण, आणि ५ हजार रुपये रोख असा एकूण ७० हजाराचा मुद्देमाल अज्ञात चोरट्याने चोरुन नेला. या प्रकरणी श्रीगोंदा पोलिस ठाण्यात अज्ञात चोरट्याविरोधात ॲड. काळोखे यांच्या फिर्यादीवरून गुन्हा दाखल करण्यात आला असून पुढील तपास श्रीगोंदा पोलिस करत आहेत.
Related Posts
1 of 2,326
Leave a comment
error: Content is protected !!
%d bloggers like this: