मोकाट कुत्र्यांचा सुळसुळाट, नागरिकांमध्ये मोठ्या प्रमाणात दहशत

0 187

 श्रीगोंदा –  श्रीगोंदा तालुक्यातील ग्रामीण भागासह शहरामध्ये मागील काही दिवसांपासून मोकाट कुत्र्यांचा सुळसुळाट पहायला मिळत आहे. हे मोकाट कुत्रे (Dogs) रस्त्यावरुन येणाऱ्या जाणाऱ्या व्यक्तींना चावा घेत आहेत. या मोकाट कुत्र्यांनी आतापर्यंत शहरातील पाच ते दहा जणांना चावा घेतला आहे. यामध्ये दोन वृद्ध ,एक महिला तर एका लहान मुलाचा समावेश आहे. या सर्वांना उपचारासाठी रुग्णालयात उपचारासाठी दाखल करण्यात आले आहे. मोकाट कुत्र्यांच्या या प्रकारामुळे शहरातील नागरीकांमध्ये भीतीचे वातावरण पसरले आहे.

दररोज कुठे ना कुठे पिसाळलेले कुत्रे चावल्याच्या बातम्या येत आहेत. शहर व तालुक्यात भटक्या कुत्र्यांच्या उच्छादामुळे नागरिक भीतीच्या छायेखाली आहेत. मात्र याची पर्वा, ना नगरपालिका, ना ग्रामपंचायतीला आहे. त्यामुळे या भटक्या कुत्र्यांचा विषय गंभीर बनला आहे पिसाळलेल्या कुत्र्यांनी अनेकांना चावा घेवून जखमी केले आहे. दहा-बारा दिवसांपूर्वी सलग तीन दिवस पिसाळलेले कुत्रे धुमाकूळ घालत होते. येथे रेबीजची लागण होऊन एका तरुणाचा मृत्यूही झाला आहे. अशा घटना घडल्यानंतर दोन-चार दिवस त्या परिसरात कुत्री पकडण्याची मोहीम राबविली जाते. त्यानंतर सारे काही शांत होते.
भटक्या कुत्र्यांची समस्या इतकी गंभीर असूनही कायमस्वरुपी इलाज करण्याचा प्रयत्न आजपर्यंत झालेला नाही. नागरिकांना रात्री शहरात जीव मुठीत धरूनच फिरावे लागते. कारण कोपऱ्या-कोपºयावर विशेषत: चिकन, मटनाची दुकाने, चायनीजचे गाडे जिथे आहेत. त्या परिसरात ही कुत्री टोळीने असतात. मुले किंवा माणूस दिसला की हल्ला करतात.असे अनेक प्रकार घडत असताना याकडे कोणीही लक्ष देण्यास तयार नसल्यामुळे मोकाट कुत्र्यांची श्रीगोंदा शहरासह ग्रामीण भागात मोठ्या प्रमाणात दहशत निर्माण झाली आहे असे म्हणणे काही वावगे ठरणार नाही.
Related Posts
1 of 1,290
हजारांवर कुत्री; पालिकेला पत्ताच नाही
केवळ श्रीगोंदा शहरात २० हजारांवर भटकी कुत्री असल्याचे पशुसंवर्धन विभागाची २०१५ ची आकडेवारी सांगते. महापालिकेकडे मात्र शहरातील भटक्या कुत्र्यांची आकडेवारीच उपलब्ध नसल्याचे अधिकाºयांकडून सांगण्यात आले. २०१२ च्या पशूगणनेनुसार शहर व ग्रामीण भागात  मिळून एकूर ४३ हजार ७६७ कुत्री आहेत. गेल्या सहा वर्षात या कुत्र्यांची संख्या किमान दुप्पट झाली असावी असा स्वयंसेवी संस्थांचा अंदाज आहे. यावरून या प्रकरणाचे गांभीर्य समजते.
Leave a comment
error: Content is protected !!
%d bloggers like this: