श्रीगोंदा – तालुक्यातील टाकळी कडेवळी येथील आपल्या पाहुण्यांकडे पंढरपूर येथून आलेला दादा राजू रणदिवे (वय 38) याला विजेचा झटका लागून, मृत्यू झाल्याची घटना आज सकाळी 8:00 वाजण्याच्या सुमारास घडली आहे. याबाबत नितीन आप्पा भिसे यांनी श्रीगोंदा पोलिस ठाण्यात खबर दिली आहे.
त्यांनी दिलेल्या खबर मध्ये नमूद केले आहे की, दादा राजू रणदिवे (राहणार संतपेठ 9 नंबर शाळा, पंढरपूर, तालुका पंढरपूर, जिल्हा सोलापूर) हा गेले दहा दिवसांपूर्वी त्याचे गावाकडून माझ्याकडे राहण्यासाठी आले होते. दिनांक 8 जून 2022 रोजी झालेल्या पावसामुळे आमच्या घराशेजारी लाईट गेली होती. मात्र, आमच्या घराच्या खिडकीला लाइटचा करंट येत होता.
याबाबत गावातील वायरमन दत्ता वाळुंज यांना कळवले होते.आज दिनांक 10 जून 2022 रोजी सकाळी 8:00 वाजता दादा आमचे राहते घरासमोर कपडे वाळवण्यासाठी बांधलेल्या तारेवरून अंडरवियर घेण्यासाठी गेला, तारेवरून अंडरवियर काढत असताना त्याला इलेक्ट्रिक शॉक बसून तो तारेला चिकटला.. त्याने मोठ्याने भाऊजी .. भाऊजी असा आवाज दिला… तेथे मी (नितीन) गेलो.. पाहिले तर,.. दादा तारेला चिकटला होता व थरथर कापत होता. मी पळतं जाऊन, काठीने तारेवर मारले व त्याला तारे पासुन दूर केले.
यानंतर मी (नितीन) व युवराज तुकाराम कापरे यांच्या पिकप गाडीतून दादाला मेडिकेअर हॉस्पिटल, श्रीगोंदा येथे सकाळी 8:45 वाजता उपचाराकरता दाखल केले. तर, डॉक्टरांनी त्याला तपासून तो मयत झाल्याचे सांगितले. अशी माहिती मयताचा मेहुणा नितिन भिसे याने पोलिसांना दिली आहे. यानुसार आकस्मित मृत्यूची नोंद करण्यात आली आहे.
