प्रतिनिधी DNA मराठी टीम
मुंबई – राज्यातील बहुतेक जिल्ह्यात सध्या उष्णतेचा पारा चढला आहे. अनेक जिल्ह्यात आता पारा ४० अंश सेल्सियस पेक्षा जास्त असल्याने नागरिकांना अनेक अडीअडचणीचा सामना करावा लागत आहे. यातच आता भारतीय हवामान विभागाने (Indian Meteorological Department) पुन्हा एकदा राज्यात अवकाळी पाऊसाची शक्यता वर्तवली आहे. (Chance of unseasonal rains again in this part of the state)
काही दिवसांपूर्वीच मराठवाड्यातील काही भागात अवकाळी पाऊसाने हजेरी लावली होती. तर आता आता कोकणातही (Konkan) अवकाळी पाऊसाची शक्यता वर्तवली जात आहे. गेल्या आठवड्यापासून कोकणातील अनेक भागात पावसाच्या सरी कोसळत आहेत.
Related Posts
रत्नागिरी (Ratnagiri) जिल्ह्यात सोमवारी सकाळपासून ढगाळ वातावरण पाहायला मिळत आहे. त्यामुळे रत्नागिरीत पुन्हा एकदा अवकाळी पावसाची शक्यता वर्तवण्यात आली आहे. सोमवारी सकाळपासूनच रत्नागिरीत सूर्याचं दर्शन झाले नाही. किनारपट्टी भागात पावसाळी वातावरण सदृश्य परिस्थिती निर्माण झाल्याने कोकणात अवकाळी पाऊस (Rain) पडण्याची दाट शक्यता आहे. दरम्यान, कोकणात ढगाळ वातावरणासह अवकाळी पाऊस हजेरी लावू शकतो. रत्नागिरीत आज सकाळपासून सूर्य ढगामागे लपल्याने रत्नागिरीकरांना उन्हापासून तात्पुरता दिलासा मिळाला आहे. (Chance of unseasonal rains again in this part of the state)
