भाजप आमदाराचा अजब कारनामा; चक्क मृत व्यक्तीला दाखवला कागदोपत्री जीवंत

0 191
BJP MLA's strange deed; Papers shown alive to a pretty dead person
प्रतिनिधी DNA मराठी टीम 
सातारा –  भारतीय जनता पक्षाचे नेते आणि साताऱ्यातून आमदार जयकुमार गोरे (Jaykumar Gore) सध्या राज्याच्या राजकारणात चर्चेत आले आहे. त्यांनी चक्क मृत व्यक्तीलाच  जिवंत दाखवल्याने राज्याच्या राजकारणात ते चर्चेत आले आहे . समोर आलेल्या माहितीनुसार त्यांच्या विरोधात फसवणूक, अनुसूचित जाती जमाती कायद्याच्या अंतर्गत गुन्हा दाखल करण्यात आला आहे. मृत व्यक्तीला जीवंत दाखवत जमिनीचा दस्तऐवज केल्याचा आरोप त्यांच्यावर आहे. या प्रकरणात त्यांच्यासह पाच जणांवर गुन्हा दाखल करण्यात आला असून पोलिसांनी पुढील तपास सुरु केला आहे.
Related Posts
1 of 2,139
 या प्रकरणी साताऱ्यातील दहिवड पोलीस ठाण्यात गुन्हा दाखल करण्यात आला आहे. महादेव पिराजी भिसे यांनी याप्रकरणी तक्रार केली आहे. मायणी येथील छत्रपती शिवाजी महाराज एज्युकेशनच्या जागेत जाण्यासाठी गट नंबर 769 मधील अल्पभूधारक शेतकरी, जो मयत आहे, त्याला जीवंत दाखवून जमिनीचा दस्तावेज केला गेला. त्यातून अल्पभूधारक कुटुंबाची फसवणूक केली गेली, असा आरोप जयकुमार गोरेंवर आहे.

कोण आहे जयकुमार गोरे  

माण-खटाव विधानसभा मतदारसंघाचे जयकुमार गोरे हे भाजप आमदार आहेत.  2009 आणि 2014 च्या विधानसभा निवडणुकीतही ते निवडून आले होते.   2019 च्या विधानसभा निवडणुकीत तर त्यांचे सख्खे भाऊ शेखर गोरे हे त्यांच्या विरोधात निवडणुकीच्या मैदानात उतरले होते. भाजपने त्यावेळी हा मतदारसंघ जयकुमार गोरे यांच्यासाठी मागितला होता. तर शेखर गोरे यांना शिवसेना तिकीट देण्यास तयार होती. शेखर यांना शिवसेनाचा पाठिंबा होता. त्यामुळे दोन भावांमधील निवडणुकीची लढत चांगलीच रंगतदार बघायला मिळाली होती. या रंगतमुळे राज्यभरात गोरे बंधुंची चर्चा झाली होती. जयकुमार गोरे हे 2009 साली अपक्ष म्हणून निवडून आले होते. तर 2014 साली ते काँग्रेसच्या तिकीटावर निवडून आले होते. पण 2019 च्या विधानसभा निवडणुकीआधी त्यांनी भाजपमध्ये प्रवेश केला होता.

Leave a comment
error: Content is protected !!
%d bloggers like this: