भाजप आमदाराच्या अडचणीत वाढ; ‘या’ आमदारावर दरोड्याचा गुन्हा दाखल करण्याचे हायकोर्टाचे आदेश

0 263
BJP MLA's difficulty increases; High Court orders filing of robbery case against 'this' MLA
 प्रतिनिधी DNA मराठी टीम 
बीड –   उच्च न्यायालयाच्या औरंगाबाद खंडपीठाने (Aurangabad High court) माजी मंत्री आणि भाजप आमदार सुरेश धस (suresh dhas) यांच्यासह तब्बल 38 जणांवर दरोड्याचा गुन्हा दाखल करण्याचे आदेश दिले आहे. यामुळे यामुळे सुरेश धस अडचणीत वाढ झाली आहे. हा आदेश आमदार सुरेश धस साठी मोठा धक्का मानला जात आहे.
Related Posts
1 of 2,139

समोर आलेल्या माहितीनुसार मनोज चौधरी यांच्या पत्नी, माधुरी चौधरी यांनी धस यांनी आपल्या कार्यकर्त्यांसह राजकीय सूडबुद्धीने घरांची संरक्षक भिंत पाडली आणि संरक्षक भिंतीचे साहित्य गॅस कटरने कापून घेऊन गेले, अशी फिर्याद माधुरी चौधरी यांनी दिली होती. त्यावरून 8 महिन्यांपूर्वी आमदार सुरेश धस यांच्यासह 38 जणांवर आष्टी पोलीस ठाण्यात 143, 147, 148, 149, 427, 336 आणि 379 या कलमानुसार गुन्हा दाखल करण्यात आला होता. त्यांनतर फिर्यादी चौधरी यांनी कलमात वाढ करण्याच्या मागणीसाठी औरंगाबाद खंडपीठात रिट दाखल केली. त्यांनतर आता कलमांत वाढ करण्याचे आदेश औरंगाबाद खंडपीठाने दिले आहेत. यात दरोडा 395, बेकायदा घरात घुसने 448, चुकीच्या पद्धतीने एखाद्याला रोखून भीती दाखवणे 453, यासह शांतता भंग करणे आणि इतर 341, 504, 506 ही कलमे  वाढणार आहेत.

स्थानिक स्वराज्य संस्थांच्या निवडणुकीत सुरेश धस यांच्या पॅनलविरोधात माधुरी चौधरी निवडणुकीच्या रिंगणात उतरल्या होत्या. त्याचा राग मनात धरुन सुरेश धस यांच्या कार्यकर्त्यांनी माधुरी चौधरी यांचे पती मनोज चौधरी यांना मानसिक त्रास दिला, अशी तक्रार माधुरी यांनी केली आणि 19 जुलै रोजी धस आणि त्यांच्या समर्थकांनी चौधरी यांचे घर आणि हॉटेलची तोडफोड केली, असा आरोप सुरेश धस यांच्यावर आहे.

Leave a comment
error: Content is protected !!
%d bloggers like this: