प्रतिनिधी DNA मराठी टीम
मुंबई – राज्यात मागच्या काही दिवसांपासून वीज संकटाचा सामना करत आहे. राज्यातील बहुतेक जिल्ह्यात आता दररोज ४ ते ५ लोडशेडिंग (Load Shedding) सुरू झाली असल्याने नागरिकांचे हाल होत आहे. राज्यातील अनेक वीज निर्मिती केंद्रांमध्ये कोळसाचा साठा अगदी 2 ते 3 दिवस पुरेल इतकाच शिल्लक असल्याने चिंतेत भर पडली आहे. यातच आता माजी ऊर्जा मंत्री चंद्रशेखर बावनकुळे (Chandrasekhar Bavankule) यांनी राज्य सरकारवर (MVA) गंभीर आरोप लावल्याने अनेक चर्चंना उधाण आले आहे. राज्य सरकारने काँग्रेसबाबत (Congress) जनतेच्या मनात रोष निर्माण व्हावा यासाठी मुद्दाम हे सगळं केल्याचा गंभीर त्यांनी राज्य सरकारवर केला आहे.
Related Posts
चंद्रशेखर बावनकुळे म्हणाले की राज्याचा ऊर्जा विभाग हा काँग्रेसकडे आहे. जनतेचा रोष त्यांच्यावर निर्माण व्हावा यासाठी राज्य सरकारकडून ऊर्जा विभागाला पैसा दिला जात नाही. राज्य सरकारच्या अर्थ मंत्रालयाने ऊर्जा विभागाचा कॅश फ्लो बिघडवण्याचं काम केलं आहे.त्यामुळे रेल्वे, एनटिपीसी, डब्ल्यूसीएल, खासगी कंपन्या यांचं थकीत वाढलं आहे. त्यामुळे राज्य विजेच्या संकटाचा सामना करावा लागत आहे.
बावनकुळे पुढे बोलताना म्हणाले की केंद्राकडे बोट दाखवून काही होणार नाही तर राज्य सरकारमधील झगड्यामुळे राज्याला लोडशेडींगचा सामना करावा लागत आहे. काँग्रेसबद्दल जनतेच्या मनात रोष निर्माण करण्यासाठी राज्य सरकारच हे सगळं करत असल्याचा आरोप माजी ऊर्जा मंत्री चंद्रशेखर बावनकुळे यांनी केला आहे. त्यामुळे राज्यात अनेक चर्चंना उधाण आले आहे.
सध्या महाराष्ट्र राज्यासह देशातील तब्बल १० राज्यात वीज संकट उभा राहिला आहे. उत्तर प्रदेश, आंध्र प्रदेश, कर्नाटक, बिहार, मध्य प्रदेश, झारखंड, पंजाब, हरियाणा, राजस्थान आणि तेलंगणामध्ये सध्या वीज संकट आहे. त्यामुळे या राज्यात देखील ग्राहकांना विजेच्या तात्पुरत्या भारनियमनाला सामोरे जावे लागत आहे.
