मुंबई केंद्रशासित करण्यासाठी मोठं षडयंत्र; संजय राऊतांचा मोठा गौप्यस्फोट

0 122
A big conspiracy to make Mumbai a Union Territory; Sanjay Raut's big secret blast
प्रतिनिधी- DNA मराठी टीम 
मुंबई –  पुन्हा एकदा शिवसेना (Shivsena) प्रवक्ते संजय राऊत (Sanjay Raut) यांनी भाजपाचे (BJP) नेते किरीट सोमय्यावर (Kirit Somaiya) गंभीर आरोप लावला आहे. मुंबई केंद्रशासित ( Union Territory) करण्यासाठी किरीट सोमय्या आणि त्यांच्या काही लोकांचं षडयंत्र सुरु असल्याचा गंभीर आरोप संजय राऊत यांनी लावल्याने राजकीय वर्तुळात अनेक चर्चांना उधाण आले आहे. मुंबई केंद्रशासित कशी करता येईल यासाठी भाजपाच्या पाच लोकांना सादरीकरण तयार केलं असून ते गृहमंत्रालयाला दिलं आहे. मुंबईतील काही धनिक, भाजपाचे नेते आणि बिल्डर यांच्या संगनमतानं हे सुरु असून किरीट सोमय्या यांचं नेतृत्व करत आहेत असा गौप्यस्फोट संजय राऊत यांनी केला.
Related Posts
1 of 2,139

मुंबईत प्रसारमाध्यमांशी बोलताना संजय राऊत म्हणाले की, किरीट सोमय्या खोटे कागद घेऊन नेहमी दिल्लीत जात असतात. किरीट सोमय्या आणि त्यांच्या लोकांचं मुंबई केंद्रशासित करण्यासंदर्भात मोठं षडयंत्र सुरु आहे. या लोकांनी गृहमंत्रालयाला सादरीकरण दिलं आहे. मुंबईतील काही धनिक, भाजपाचे नेते आणि बिल्डर यांच्या संगनमतानं हे सुरु असून किरीट सोमय्या यांचं नेतृत्व करत आहेत. मुंबई केंद्रशासित कशी करता येईल याचं सादरीकरण भाजपाच्या पाच लोकांनी मुंबईत तयार केलं आहे.

या चोर, लफंग्याचं नेतृत्व किरीट सोमय्यांकडे आहे. काही करुन त्यांना मुंबईवरील मराठी माणसाचा हक्क आणि अधिकार काढायचा आहे. मुंबई वेगळी करुन मुंबईवर केंद्राचं राज्य आणायचं असून किरीट सोमय्या हा लंफगा. चोर, महाराष्ट्रद्रोही हे सादरीकरण घेऊन दिल्लीत जात असतो. आजही त्यासाठी ते दिल्लीत गेले आहेत. माझ्याकडे सबळ पुरावे आहेत,असा दावा संजय राऊतांनी केला आहे.

Leave a comment
error: Content is protected !!
%d bloggers like this: