शताब्दी भेटीला फुटले पाय , संचालक आणि नेत्यांनी लाटले १४६ घड्याळे

0 13

जामखेड – अहमदनगर जिल्हा प्राथमिक शिक्षक सहकारी बॅंकेच्या शताब्दी भेट म्हणून सभासदांसाठी खरेदी केलेली तब्बल १४६ घड्याळे संचालकांनी आपल्या घरी नेत “वाहत्या गंगेत हात धुतल्याचा ” प्रकार समोर आला आहे.घड्याळ चौकशी साठी नेमलेल्या समितीसमोर खुद्द बँकेच्या मुख्याधिकाऱ्यांनीच हि माहिती दिल्याचा गौफ्यस्फोट  सदिच्छा मंडळाचे अध्यक्ष नारायण राऊत यांनी केला आहे. ताटातील घास हिरावल्याने नेहमी सत्ताधाऱ्यांवर टीका करणारी रोहोकले गुरुजी प्रणित गुरुमाऊली मात्र आपल्या गटाचे संचालकही यात गुंतल्याने मिठाची गुळणी धरून बसली आहे हे विशेष!

याबाबत बोलताना सदिच्छा मंडळाचे अध्यक्ष नारायण राऊत म्हणाले, प्राथमिक शिक्षक बँकेला शताब्दी पूर्ण झाल्यनिमित्त   सभासदांना भेट म्हणून घड्याळ देण्याचा निर्णय संचालक मंडळाने घेतला.पण प्रत्येक गोष्टीत स्वतःचा फायदा पाहणाऱ्या संचालक मंडळाने यात फायदा पहिला नसता तर नवलच! निविदा मागवण्यापासूनच हि खरेदी संशयाच्या भोवऱ्यात अडकली. सदिच्छा मंडळाचे पारनेर तालुकाध्यक्ष संतोष खामकर यांनी या प्रकाराला वाचा फोडली आणि संपूर्ण प्रकरण समोर आणत थेट चौकशी समितीच नेमण्यास भाग पाडले.

या चौकशीत या खरेदीतील अनेक कृष्णकृत्य समोर येत आहेत.तब्बल ७२ लाखांचा एवढा मोठा व्यवहार असूनदेखील या खरेदीसाठी जिल्हा उपनिबंधकांची परवानगी घेतली गेली नाही. दैनिक समाचार सारख्या ऑनलाइन नसलेल्या स्थानिक पेपरला जाहिरात देऊन थेट गुजरातवरून निविदा मागवणे, बाजारात अगदी अडीचशे तीनशे रुपयांना मिळणारं घड्याळ थेट सहाशे रुपयांना खरेदी करणे, घड्याळाची डिलिव्हरी मिळण्याआधीच कंपनीला संपूर्ण रक्कम अदा करणे यासारख्या नियमबाह्य बाबी चौकशीत समोर आल्या आहेत.

सभासदांनीच या भेटीवर बहिष्कार टाकला असून अजूनही तब्बल ३५०० घड्याळे विविध तालुक्यातील गॊदामांत पडून आहेत.या साठवण गोदामांचे भाडेरुपी भुर्दंड सामान्य सभासदालाच  सहन करावा लागतोय. बँकेच्या मुख्य कार्यकारी अधिकारी यांनी दिलेल्या माहितीनुसार संचालकांनी सभासदांसाठीची घड्याळे आपल्या नातेवाईकात वाटल्याचं उघडकीस आलं आहे. कोणत्या संचालकांनी किती घड्याळे पळवली याची यादीच सदिच्छा मंडळाच्या हाती लागली असून सभासदांच्या अवलोकनार्थ हि यादीच येथे देत आहोत.

महिलेला बंदुकीचा धाक दाखवून लैंगिक शोषण करणाऱ्या पोलिसावर गुन्हा दाखल

Related Posts
1 of 1,292

संगमनेर शाखा – राजू रहाणे १९, किसन खेमनर १८, साहेबराव अनाप १ , अकोले शाखा – मुखेडकर ७, गोडे ८, श्रीगोंदा शाखा – आर टी साबळे ७, अवि    निंभोरे ८, श्रीरामपूर शाखा – बडाख ९, सलीमखान पठाण १४, कोपरगाव शाखा – खरात ६, आढाव ६, पाथर्डी शाखा’- शिरसाठ ११,भवार ६, अकोलकर ६, राहुरी शाखा – अनाप १ , पारनेर शाखा – आर टी साबळे २, कर्जत शाखा – सुद्रीक ६, जामखेड शाखा – निकम ६, नगर शाखा – अनाप ५, दुसुंगे १, अरुण देशमुख ५,दिलीप मुरदारे ५ बापू तांबे १, संदीप मोटे हस्ते आर टी साबळे ५, चिपाडे ५, संजय खोडदे, अशा १७ संचालकांनी तब्बल १४६ घड्याळं लाटत आपल्या नातेवाईकांवर खैरात करत कुंपणानेच शेत खाल्ल्याचा प्रकार उघडकीस आला आहे.

सासरी होणाऱ्या छळास कंटाळून विवाहितेची आत्महत्या ……

 चौकशी समितीसोबतच सामान्य सभासदासमोरही या घोटाळ्याचा पर्दाफाश करणार असल्याची माहिती शिक्षक संघाचे अध्यक्ष माधव हासे, सदिच्छा मंडळाचे अध्यक्ष नारायण राऊत, उत्तर विभाग प्रमुख चंद्रकांत मोरे, दक्षिण प्रमुख भास्कर कराळे, संघाचे कार्याध्यक्ष दादा वाघ, राजाभाऊ बेहळे, बबन गाडेकर, बाबा आव्हाड, बाळासाहेब डमाळ, बाळकृष्ण कंठाळी आदींनी दिली आहे.

मनसुख हिरेन प्रकरणावर संजय राऊत यांची पहिली प्रतिक्रिया म्हणाले कि … 

Leave a comment
error: Content is protected !!
%d bloggers like this: