शिवसेनेचे १३ ते १४ खासदार संपर्कात: भाजपाच्या ‘या’ आमदाराने केला मोठा दावा ; अनेक चर्चंना उधाण

0 210
13 to 14 Shiv Sena MPs in touch: BJP's 'this' MLA made a big claim; Many churches abound
प्रतिनिधी DNA मराठी टीम 
मुंबई –  भाजपाचे (BJP) प्रदेशाध्यक्ष चंद्रकांत पाटील (Chandrakant Patil) मागच्या काही दिवसांपासून महाविकास आघाडी सरकार (MVA) पडण्याची तारीख जाहीर करत आहे मात्र आता भाजपाच्या आणखी एका आमदाराने शिवसेनाबद्दल (Shiv Sena) मोठा दावा केला आहे.शिवसेनेच्या १८ खासदारांपैकी १३ ते १४ खासदार भाजपाच्या संपर्कात असल्याचा भाजपा आमदार प्रसाद लाड (MLA Prasad Lad) यांनी केल्याने राजकीय वर्तुळात अनेक चर्चांनी जोर धरले आहे.  यासंदर्भात प्रसाद लाड यांनी शिवसेना खासदारांनी पक्षाकडे नाराजी व्यक्त केली असल्याचं सांगत त्या आधारावर २०२४मध्ये हे खासदार हिंदुत्ववादी भूमिका घेणाऱ्या पक्षासोबत जोडले जातील, असा दावा केला आहे. त्यामुळे आता शिवसेनेचे हे नेमके कोणते खासदार आहेत, यावरून चर्चा सुरू झाली आहे.
खासदारांनी त्यांच्या मनातली तळमळ, मळमळ त्यांनी बोलून दाखवली आहे. माझ्या मते शिवसेना खासदारांना सन्मान मिळत नाही. निधी मिळत नाही. पालकमंत्र्यांकडून त्यांना विचारलं जात नाही ही त्यांच्या मनातली खदखद आहे. शिवसैनिक खासदार झालेत ते मोदींच्या नावाने निवडून आले आहेत. पण राज्यात महाविकास आघाडीचं सरकार स्थापन झाल्यानंतर शिवसेनेची हिंदुत्वाची भूमिका बदलली आहे. विकासाचा मुद्दा सोडला आहे, असं प्रसाद लाड म्हणाले आहेत.
Related Posts
1 of 2,140
पुढे ते म्हणाले कि शिवसेना प्रमुखांच्या शिवसेनेचे मुद्दे आता सोडले आहेत. त्याची नाराजी अजूनही खासदारांच्या मनात आहे. ही नाराजी २०२४म्ध्ये ते व्यक्त करतील. शेवटी हिंदुत्ववादी भूमिका घेणाऱ्या पक्षासोबत ते जोडले जातील, याची मला खात्री आहे. १३ ते १४ खासदारांनी स्वत:हून त्यांची नाराजी त्यांच्या नेत्यांसमोर ठेवली आहे, असं प्रसाद लाड म्हणाले. किती खासदार आमच्यासोबत आहेत, यापेक्षा किती खासदार भाजपासोबत जोडले जातील, हे महत्त्वाचं आहे, असं देखील ते म्हणाले.

 शिवसेना खासदारांची संजय राऊतांकडे तक्रार? 

दिल्लीमध्ये शिवसेना खासदार संजय राऊतांनी शिवसेनेच्या इतर खासदारांची बैठक घेतल्याचं सांगितलं जात आहे. या बैठकीमध्ये शिवसेना खासदारांनी संजय राऊतांकडे तक्रारींचा पाढा वाचल्याचं देखील बोललं जात आहे. या चर्चांमुळे तर्क-वितर्कांना उधाण आलं असून नेमक्या काय राजकीय घडामोडी सुरू आहेत, याविषयी अंदाज लावले जात आहेत. त्यातच आता शिवसेना खासदार भाजपासोबत जोडले जातील, या प्रसाद लाड यांच्या विधानामुळे चर्चेनं अधिकच जोर धरला आहे.

Leave a comment
error: Content is protected !!
%d bloggers like this: